شمس لاتغيب(زجل سوري) أمي: لك قلبي

 
 

 

إمِّي بزمانــــــا كانِتِ ابْتِكْتُبْ شِعِرْ
وبتشكِّلِ الكلمــــــات بورود وزَهِرْ
وماكِنتْ بعرِفْ يومِتا إنِّي أنــــــــا
راح كونْ متلا زاهية بنت البحــرْ
إمِّي اللي قلبا كبيرْ بوسع المــــدى
مابتشبها بين النِّسا منهن حـــــــدا
منها اتعلمتِ المشي بدربِ الهدى
ومنها ورثتِ الحكمي ببحور الشعر
إمِّي ضيا أنوارا مابتعرفِ غْيابْ
مشعشعْ بقلبي حروفْ عم تغزل كتابْ
إسمي أخدتو من سناها عالحساب
وراح ضلّ وفِّي بْحقُّو عاطولِ العمرْ

 

 

شعر
زاهية بنت البحر
 
 
 
 
 
Advertisements

48 thoughts on “شمس لاتغيب(زجل سوري) أمي: لك قلبي

  1. مشتاقا يامِّي والحنينِ بنظرتي
    بيطْلع من عيوني دمع مع شهقتي
    ومابتنشفِ الدمعات طول ماشمعتي
    بفتيلها المحزون بتضوي المدى

    إعجاب

  2. أمي ياإمي الدمع من عيني هَمَى
    ومشغول بالي عا لْحبيبه دَلْهَمَه
    وياطيرِ يالرايح لصوبا كَلِّمَا
    وخليها تبعتلي على جناحك سلام

    إعجاب

  3. لك يازمان يتمتني وخليتني
    من غير أهل بِ هالدني شرَّدتني
    شو بحب ارجع لزمان الوَلْدَني
    وإلعب أنا وإخواتي بالزيري سوا

    إعجاب

  4. ياربي ياعالم بأسباب الأسى
    جرح القلب عافراق أهلي ماانتسى
    بحروف شعري والرجا بدعي عسى
    ترجع حبايب مهجتي وتشفي الجراح

    إعجاب

  5. ياشعر يامدلل على قلبي كفى
    عذبتني وبعدت عن عيني الغفا
    رجِّعْ زماني الرَّاح ورجعلي الصفا
    وخليكْ لقلبي اسْراج بدروبِ الدُّجى

    إعجاب

  6. ياصنو روحي، ياحبيبة مهجتي
    يَاخْتي الحنوني يارفيقةْ وحدتي
    قلبي معك.. شاهِدْ عاشوقي ولوعتي
    بيرجع لصدري يومْ نتلاقى سوا

    سلامي لأختي الغالية الهوم

    إعجاب

  7. شو هالدني، شو هالعمر كله عذابْ
    كلو دمع.. كله حزن، مالو اغْيابْ
    ودروب عتمِي.. شمسها خلف الضباب
    بترمي عاقلبي زرار.. بتفتِّحْ ألم

    إعجاب

  8. إمِّي اللي قلبا كبيرْ بوسع المــــدى
    مابتشبها بين النِّسا منهن حـــــــدا
    منها اتعلمتِ المشي بدربِ الهدى
    ومنها ورثتِ الحكمي ببحور الشعر
    إمِّي ضيا أنوارا مابتعرفِ اغيابْ
    مشعشعْ بقلبي حروفْ عم تغزل كتابْ
    زاهية بنت البحر
    لقد قلت حقا وكأنك عرفتيها
    لقد كانت قلبا لا يعرف الا الخير
    ربت فأحسنت وتفانت فوجدت
    واخلصت فاثمر اخلاصها فينا
    نعم الام كانت امى رحمها الله وطيب ثراها
    كانت صاحبة فكر وقلم
    توفت ٢-٥-٢٠٠٩
    عن عمر يناهز التسعون عاما
    بكامل وعيها وعظيم عطاؤها
    فبارك الله بامهات يحيوا وغفر لمن ماتوا
    الشهباء

    إعجاب

  9. ياطيور ياللي مغرّبي صوب البحر
    جيبي لي من هونيك شي كمشة صبر
    ماعاد فيني عالبعد حاجي قهر
    حاجى أسى وتعتير عافراق الحبابْ

    أهلا بالشهباءالغالية
    رحم الله أمك وأمي وأموات الجميع
    عندما تهب رياح الذكريات تعربد في القلوب المشتاقة لبسمة ماضٍ تولى بمن كانوا فيه شموسا وأقمار.. تذرف العيون الدمع حارا مخترقة حجاب الزمن خيالا تحتضن فيه أبا ، أما، أخا وأختا وكل من كان لقربه دفء محبة .
    آه يازمن مما به القلوب باتت تحتاج للمسة حنان من يد أمٍ مازلنا نحس بأناملها تمسح فوق رؤسنا بعطف ووداد.
    رحمهم الله وأسكنهم فسيح لجنان
    أهلا بك عزيزة كريمة في مهبط فكري حرف صدق ومحبة.
    أختك
    زاهية بنت البحر

    إعجاب

  10. ياربي ياعالم بأسباب الأسى
    جرح القلب عافراق أهلي ماانتسى
    بحروف شعري والرجا بدعي عسى
    ترجع حبايب مهجتي وتشفي الجراح

    إعجاب

  11. ماتلوم دمعي يازمن بيكفي ملام
    من بعد موت الأم عالدنيا السلام
    بدموع قلبي عالسطر بكتب كلام
    منو بتطلع عالدني شمسِ الحنانْ

    إعجاب

    1. محتارة كيف بدي عيش بعد الزاهية
      أمي الحبيبة العا فؤادي حانية
      يارب سكِّنها بجنة عالية
      برفقة حبيبي المصطفى خير الأنام

      إعجاب

  12. أمي، حبيبـةْ هالقلـبْ
    راحتْ بقالْهـا سنيـنْ

    وتركتْ لمريـمْ إسْمَهـا
    مشعشع ْ ضيا وِحنيـنْ

    أميِّ الزَّهو، أمي الوفـا
    إمي النقا هالعلمتني الدِّينْ

    ياربّ ارحمْ ميمتي
    قولـوا معـي: آميـنْ

    شعر
    زاهية بنت البحر

    إعجاب

  13. أمي ياإمي الدمع من عيني هَمَى
    ومشغول بالي عا لْحبيبه دَلْهَمَه

    وياطيرِ يالرايح لصوبا كَلِّمَا
    وخليها تبعتلي على جناحك سلام

    إعجاب

  14. ياطيور ياللي مغرّبي صوب البحر
    جيبي لي من هونيك شي كمشة صبر
    ماعاد فيني عالبعد حاجي قهر
    حاجى أسى وتعتير عافراق الحبابْ

    إعجاب

  15. لو صار شو ماصار مابنسى
    بلدي بجمالا في الصباح وبالمسا
    ومحتارة والله منين جانا هالأسى
    والحرب شعلت بالبلد بعد السلام

    إعجاب

  16. ياجراح فللي واتركينا بحالنا
    روحي لعند العدا، قسيتي وشغلتي بالنا
    اسكبنا دموع الأسى واتعترت أحوالنا
    والبلد صارت موحشة والعين مابتنام

    إعجاب

  17. ماعاد فيها هالدني حبّ وحنان
    الناس صاروا وحوش غابي بهالزمان
    والقتل عربد وانتهك عرض الأمان
    والشمس غطت وجهها وحلِّ الظلام

    إعجاب

  18. ياطيور ياللي مهاجرة مَدري لوَينْ
    تغلغلْ بأرضي الحزنْ وصْبحنا بـــِ بَيْنْ
    يرحم زمان جدودنا يالعاشوا هون
    واليوم تاريخِ الجدودْ أصبحْ مَنامْ

    إعجاب

  19. لوكان عندي جناح برجع للبلد
    تااحرسا
    وبحط خدي فُق ترابها
    وبَوِّسَا
    ومن دمع عيني برشرشا
    وبهندسا
    وان كان بدها من دمي حقا به
    ماببخسا

    إعجاب

  20. خلوا الشعر ينزف حروفو بالدما
    ويحكي حقيقة هالحرب لِــِ مْلَغَّمَهْ
    ويقول لكل الناس وين ماكان
    انو السلام أصبح علينا مُحَرَّما

    إعجاب

    1. امين امين امين رحم الله الغالية واسكنها فسبح جناته وحشرها مع الحبيب المصطفى صلى الله عليه وسلم وسقاها من يده الشريفة شربة هنيئة لا تظمأ بعدها أبدا .
      ادمعتي قلبي قبل عيني. أسال الله أن يردك الى احبابك وديارك سالمة غانمة ويجمعك مع احبابك في احسن حال ويسعد قلبك بلقائهم ويعيد الامن والسلام الى الديار انه ولي ذلك والقادر عليه .
      دمت بخير غاليتنا الزاهية ومن تحبين .
      مع خالص التحية .الشامخة

      إعجاب

  21. مجروح ياقلب الغريب من البشر
    مجروح
    وبغربتك هجمت عليك الدني تاتزيد فيك
    جروح
    معتر ياابن الناس لما الهجرة عن
    وطنك
    بتعلي راس العدا وبتهد فيْك
    صروح

    إعجاب

  22. حرفي حزين مشعَّلِ الدمعات بالإحساسْ
    كلا أسف كلا أسى كلا فزع بيوجعولي الراس
    قلبي على أحبابنا يتشردوا وعا ترابنا ينداس
    وعاكل نسمة عطر من ديرة أبي الِــِ هبوبها بينباس

    إعجاب

  23. الْهُوْمْ يانسمةْ فرحْ لِيْ بالدِّنِي
    بْذكرى الأهلْ الْهُوْمْ
    بشتاقْ شوفكْ ياحبيبةْ هالقلبْ
    ونْسى معكْ لِهْمُوْمْ
    قلبي اتقطَّعْ بالفراقِ وْعايشي
    بوادي الألمْ والدنيا حولي غْيُومْ

    إعجاب

    1. لوَََعتي ألبي بهالحكي
      من لوعتو عم يشتكي
      ياأغلى إنسانة شو بدك بالحكي
      من محبتك هالألب بيلائي الدوا
      ياهل ترى بعد الفراق
      منعود نتلاءى سوا

      إعجاب

      1. لما البعد بيكون إصرار وجفا
        وما منعرف الأسباب يللي بالخفا
        منحسِّ إنُّو هالدِّني ماأسخفا
        بتسرق صفاء القلب من أغلى الحباب

        إعجاب

  24. ياصنو روحي، ياحبيبة مهجتي
    يَاخْتي الحنوني يارفيقةْ وحدتي
    قلبي معك.. شاهِدْ عاشوقي ولوعتي
    بيرجع لصدري يومْ نتلاقى سوا

    سلامي لأختي الغالية الهوم

    إعجاب

    1. يااختي الحبيبة هالبعد هم وأسى
      بالقلب حسرة عالبعد ماتنتسى
      ياخيتي هالقلب صبحو والمسا
      يدعي لربو بيوم يجمعنا سوى

      إعجاب

      1. انْ طَوَّلْ بُعادِ الجسمِ مامنترك مجال
        للروح تقسى لنو تكه عالوِصال
        شروش المحبة الصادقه مثل الجبال
        مابتخلعا من القلب هوجاء الرياحْ

        إعجاب

  25. بهربْ من الناسِ لْلِي حَوليْ بالصَّفِنْ
    وبطلعْ بفكري فوقْ أمواجِ الحِزِنْ
    والبحرْ هايجْ بالأسلْ مَا بْينتسى
    وبْغربتي مالي سلامِ وْلا أَمِنْ

    إعجاب

  26. مهما الغُرُبْ فرجولكِ الإخلاص
    بصورا فريدي تْصَيَّدا غواصْ
    وفرشولكِ لْ أرضْ بورودِ وْفُلْ
    بِضَّل تشعرْ مِنْ غنى بخماص

    إعجاب

  27. بتمرق علينا بِدْ دِني أوقاتْ
    منتمنَ فيها نْكونْ بالأمواتْ
    وأصعبْ مافيهانْ نِشفِتِ الدمعاتْ
    والقلبْ حبِّ يْبوح بالأشجانْ

    إعجاب

    1. اليوم وبكرة وكل العمر
      منتذكرها
      شو كانت حلوة ضحكتها
      كيف ممكن ننسى طلتها
      وصوتا اللي مخبي محبتها
      أمي اللي ربتنا وتعبت
      يارب ارحمها وبالجنة
      أكرم مثواها وباركها
      وارحمنا واجمعنا معها

      إعجاب

      1. يازهيه لو بتشوفي كيف الدنيا صارت سودا
        زرعت فيي هموم كتير وأوجاع ماعم بقدر عِدَّا
        بوجودك كانت ياإمي مابتقدر تتجاوز حدَّا
        وهلق عم تسرح وتمرح وماحدا بيسترجي يردا

        إعجاب

  28. امِّي اللي قلبا كبيرْ بوسع المــــدى
    مابتشبها بين النِّسا منهن حـــــــدا
    منها اتعلمتِ المشي بدربِ الهدى
    ومنها ورثتِ الحكمي ببحور الشعر

    رحمة الله عليك ياأمي

    إعجاب

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s