ولك روح دوِّرْ بالدِّني

بكيتُ وهي تروي لي قصة ابنها العاق الذي تنكر لها
واستحلَّفتني بالله أن أكتب لها قصيدة فكانت هذه
:
الصورة
 

ولك روح دور بالدني
بحاراتها ، وبيوتها
جواتها وبراتها عن شي قلب
بيدق باللحظة كذا دقة
لمَّا بإسمك بشلحو مو فارقة
بالفكر كانت شلحتو
أو عاالسطر بكتاب أو ورقة
قلبي أنا بكل الدني
مالو مثيل بدقته
بالفرح كانت أو حزن
أو بالغضب أو حتى بالحرقة
مابين قلبك وقلبي الفرق يانور عيني كبير
لوجيت تحسب نِسْبتو
مافيك تعرفْ مهما كنت كبير
مهما ترقِّتْ حسبتك
بتضل قدام اللي وحدا بتعرفك
وبتفهك يابعد عمري زغير
فينا القرابه مجسَّدي بالدم
وبالشكل
والأنسابْ
وفينا العوافي غامرة الأصحابْ
لكن ياروحي الما وجدتو بينَّا
هادا اللي إسمو الحرص عا الأحبابْ
ولك روح فتِّش بالدني واسآل كل الناس
أي القلوب الصادقة بمحبتا
والما إلا وسواسْ؟
بتعرف ياروحي إنو قلب الإم هوي غير شِكِلْ
والشاغِلو بحب الولد أعظم شِغِلْ
مابيعرف الغش اللي غيرو بيتبعو
ولو حاوَلوا يغروه بجبال الدهب والماس.
الفرقة يابني مش بُعد وحدود
الفرقة أصعب بالحضورِ إن كان فيها اصْدود
لكن بقى راح قلك الأصعبْ من الفرقة
ومن كلِّ حرقات البعدْ
لما تلاقى الإم من إبنا يا بعدي اجْحود.

شعر

زاهية بنت البحر


  

 
Advertisements

6 thoughts on “ولك روح دوِّرْ بالدِّني

  1. مابين قلبك وقلبي الفرق يانور عيني كبير
    لوجيت تحسب نِسْبتو
    مافيك تعرفْ مهما كنت كبير
    مهما ترقِّتْ حسبتك
    بتضل قدام اللي وحدا بتعرفك
    وبتفهك يابعد عمري زغير

    إعجاب

  2. لله درك زاهية بنت البحر الغالية
    نبض فيه من الألم مافيه والحرقة ما يكفيه .
    وا أسفي على من ضيع الحقوق وخلط بين الأمور نسأل الله السلامة والعفو والعافية .
    محال أن نرى قلبا أحن وأحرص علينا من الأم فهل من معتبر.
    حفظ الله والدتي وملأ قلبها الحاني السعادة منه سبحانه وأقر عينها بما تحب بصلاح ذريتها ونجاحهم في الدنيا والآخرة و رزقها بِرنا ورزقنا بِرها ورضاها وأكرمها سبحانه بحبه ومحبته .آمين
    و حفظك الله غاليتنا زاهية المبدعة على حرفك الصادق ودمت بخير ومن تحبين .

    إعجاب

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s